500 ming so‘mlik kupyura: Markaziy bank tarqalgan suratni feyk deb atadi

O‘zbekiston Markaziy banki 500 ming so‘mlik banknota muomalaga chiqarilishi haqida tarqalgan ma’lumotlarni rasman rad etdi. Bayonotga ijtimoiy tarmoqlarda Mirzo Ulug‘bek davri uslubida bezatilgan kupyura surati keng tarqalayotgani sabab bo‘ldi.

Regulyator aniq ma’lum qildi: bunday nominaldagi banknotani muomalaga kiritish bo‘yicha hech qanday qaror qabul qilinmagan. Tarqatilayotgan tasvirlar feyk bo‘lib, idoraning real rejalari bilan bog‘liq emas.

Markaziy bank fuqarolarni ogohlikka chaqirib, pul belgilariga oid ma’lumotlarni faqat rasmiy manbalardan — O‘zbekiston Respublikasi Markaziy bankining tasdiqlangan sahifalari va resurslaridan olishni tavsiya qildi.