O‘zbekiston Markaziy banki 22-apreldan kuchga kiradigan mobil bank ilovalarida identifikatsiya qilish bo‘yicha yangi qoidalar mohiyatini tushuntirdi. Ijtimoiy tarmoqlarda akkauntlar ommaviy bloklanishi haqidagi xavotirlar keng tarqalgan edi — regulyator fuqarolarni vahimaga berilmaslikka chaqirdi.
O‘zgarishlar kimlarga taalluqli
Yangi talablar faqat 22-apreldan keyin ilovalarda ro‘yxatdan o‘tadigan foydalanuvchilarga tegishli. Amaldagi foydalanuvchilar odatdagi tartibda ishlashda davom etadi — ulardan qo‘shimcha harakat talab etilmaydi.
Muammolar faqat telefon raqami yoki bank kartasi boshqa shaxs nomiga rasmiylashtirilgan bo‘lsa yuzaga kelishi mumkin. Agar ular yaqin qarindosh — ota-ona, turmush o‘rtog‘i, aka-uka, opa-singil yoki farzand nomiga rasmiylashtirilgan bo‘lsa, cheklovlar qo‘llanmaydi. Asosiy shart — pasport ma’lumotlari, identifikatsiya raqami va karta egasi ma’lumotlari mos bo‘lishi kerak.
VPN taqiqlanadi
Shuningdek, 22-apreldan boshlab banklar anonim sessiyalarni bloklashi shart bo‘ladi. Bu esa mobil bank xizmatlariga VPN orqali kirish imkoniyati cheklanadi degani.
Markaziy bank fuqarolarni faqat rasmiy manbalarga ishonishga va ijtimoiy tarmoqlardagi vahimali xabarlarga berilmaslikka chaqirdi.
