O‘zbekistonda qarz va kreditlarni undirish tartibi o‘zgartirilmoqda

O‘zbekistonda soliq qarzlari va muammoli kreditlarni undirishning yangi mexanizmi joriy etilmoqda. Ba’zi funksiyalar soliq organlari va tijorat banklariga topshiriladi, jarayon esa elektron shaklga o‘tkaziladi.

Farmonga ko‘ra, qarzdorlarning mol-mulkini realizatsiya qilish hujjatlarini rasmiylashtirish endi qarz turiga bog‘liq bo‘ladi. Bu jarayonlarni tezlashtiradi va mol-mulkni onlayn auksionlarda sotishni faolroq qo‘llash imkonini beradi.

Soliq qarzlari bo‘yicha protsessual hujjatlarni tayyorlashni soliq organlari xodimlari amalga oshiradi. Zalog bilan kafolatlangan kreditlar bo‘yicha esa ushbu funksiyalar davlat ijrochisi topshirig‘i bilan tijorat banklari vakillari tomonidan bajariladi.

Shuningdek, yuridik shaxslarning mol-mulkini inventarizatsiya va ko‘zdan kechirish funksiyalari ham qarz turiga qarab tegishli tuzilmalar o‘rtasida taqsimlanadi.

Barcha hujjatlar — ko‘zdan kechirish aktlari, inventarizatsiya va zalog materiallari ham elektron platformalar orqali rasmiylashtiriladi va uzatiladi. Bu qog‘oz aylanishidan voz kechishga va mol-mulkni savdoga chiqarish jarayonini tezlashtirishga imkon beradi.

Shu bilan birga, hujjatlarni rasmiylashtirgan organlar yoki banklar mumkin bo‘lgan xavflar uchun javobgarlikni saqlab qoladi.

Yangi tartib tizimning shaffofligini oshirishi va undirish protseduralarini samaraliroq qilishi kutilmoqda.