Samarqand viloyatida marmar plitalar ichiga yashirilgan 37 kgdan ortiq giyohvand modda musodara qilindi
Samarqand viloyatida huquqni muhofaza qiluvchi organlar yirik miqdordagi giyohvand moddalarni olib kirish va sotish bo‘yicha urinishni bartaraf etdi. Qurilish ishlari uchun mo‘ljallangan marmar plitalar orasidan 37 kg 421 gramm taqiqlangan modda aniqlandi.
O‘zbekiston Davlat xavfsizlik xizmati matbuot xizmati ma’lumotiga ko‘ra, o‘tkazilgan ekspertiza musodara qilingan modda ekstraksion opiy ekanini ko‘rsatdi. Bu xom opiydan suvli ekstraksiya usuli orqali olinadigan qayta ishlangan mahsulot hisoblanadi.
Maxsus operatsiya Davlat xavfsizlik xizmati, ichki ishlar organlari hamda Samarqand viloyati bojxona boshqarmasi hamkorligida o‘tkazildi. Tergov jarayonida giyohvand moddalarni mamlakatga 33 yoshli xorijiy fuqaro olib kirgani aniqlangan. Tergov ma’lumotlariga ko‘ra, moddani sotish bilan 44 va 30 yoshli ikki nafar mahalliy fuqaro shug‘ullanishi kerak bo‘lgan.
Uch nafar gumonlanuvchi qo‘lga olinib, qamoqqa olindi. Holat yuzasidan jinoyat ishi qo‘zg‘atildi, tergov harakatlari davom etmoqda.