O‘zbekistonda reklama qonunbuzarliklari haqida xabar bergan fuqarolarni rag‘batlantirish taklif qilinmoqda

O‘zbekistonda reklama va raqobat sohasidagi qonunbuzarliklar haqida xabar bergan fuqarolar hamda tashkilotlarni pul mukofoti bilan rag‘batlantirish tizimini joriy etish rejalashtirilmoqda. Tegishli qaror loyihasi jamoatchilik muhokamasiga qo‘yildi.

Hujjat antirraqobat kelishuvlari, jumladan kartel til biriktirishlariga qarshi kurashni kuchaytirish, bozor shaffofligini oshirish va iste’molchilar ҳуқуқlarini himoya qilishga qaratilgan.

Loyihaga ko‘ra, jismoniy va yuridik shaxslar ehtimoliy qonunbuzarliklar ҳақида og‘zaki, yozma yoki elektron shaklda ma’lumot yuborishi mumkin. Bunda murojaatchi qonunbuzarlik haqida aniq ma’lumotlar hamda huquqbuzarlikni tasdiqlovchi materiallarni taqdim etishi kerak bo‘ladi.

Shuningdek, murojaatchilar ҳақидаги ma’lumotlar maxfiy saqlanishi alohida ta’kidlangan. Bundan tashqari, loyiha fuqarolar va kompaniyalarni murojaat sabab bosim, ta’qib yoki boshqa salbiy oqibatlardan himoya qilishni ham nazarda tutadi.

Agar qonunbuzarlik tasdiqlansa va jarima maxsus jamg‘armaga tushsa, murojaatchi pul mukofoti olishi mumkin bo‘ladi.

To‘lov miqdori qonunbuzarlik turiga qarab belgilanadi:

— antirraqobat kelishuvlarini aniqlash uchun undirilgan jarimaning 3 foizigacha, biroq 100 BHMdan oshmagan miqdorda;
— reklama to‘g‘risidagi qonunchilik buzilishi ҳақидаги xabarlar uchun esa jarimaning 10 foizigacha, biroq 10 BHMdan oshmagan miqdorda mukofot to‘lanishi taklif қилинмоқда.

Mutasaddilar fikricha, yangi mexanizm jamoatchilik nazoratini kuchaytirish, biznes shaffofligini oshirish va O‘zbekiston bozorida insofsiz raqobat holatlarini kamaytirishga yordam beradi.