O‘zbekiston terma jamoasi FIFA Series’da g‘olib chiqdi — Venesuelani penaltilar seriyasida mag‘lub etdi

O‘zbekiston milliy terma jamoasi futbol bo‘yicha uyda o‘tkazilgan FIFA Series turnirida g‘olib bo‘ldi. Finalda jamoa Venesuela ustidan penaltilar seriyasida 5:4 hisobida zafar quchdi.

Uchrashuvning asosiy vaqti keskin kurashlar ostida o‘tdi va durang bilan yakunlandi. G‘olib nomi esa penaltilar seriyasida aniqlandi. Unda darvozabon Abduvohid Nematov hal qiluvchi rol o‘ynab, zarbalardan birini qaytardi va jamoasiga g‘alabani ta’minladi.

Turnirning eng yaxshi o‘yinchilaridan biri himoyachi Abduqodir Husanov bo‘ldi. U tarkibga qaytganidan so‘ng ishonchli o‘yin namoyish etdi va musobaqaning eng yaxshi futbolchisi deb topildi.

Uchrashuvdan tayyorlangan fotoreportaj hal qiluvchi bellashuv muhitini hamda O‘zbekiston terma jamoasini g‘alabaga olib kelgan muhim lahzalarni aks ettiradi.