Toshkentdagi “Beshqurghan” bozorida yong‘in: olov nazorat ostiga olindi

Toshkentning Chilonzor tumanida Toshkent halqa avtomobil yo‘li bo‘yida joylashgan “Beshqurghan” bozorida katta yong‘in sodir bo‘ldi.

5 aprelda soat 15:56da savdo nuqtalarida olov chiqqani haqida favqulodda xizmatlarga xabar kelib tushdi. Hodisa joyiga o‘t-o‘chirish va qutqaruv bo‘linmalari tezkor yetib bordi.

Hozirda mutaxassislar yong‘inni to‘liq bartaraf etish ishlarini davom ettirmoqda. Ularning harakatlari natijasida olovning qo‘shni savdo qatorlariga tarqalishi cheklab qo‘yildi.

Dastlabki ma’lumotlarga ko‘ra, yong‘in oqibatida hech kim zarar ko‘rmadi. Vaziyat shahar Favqulodda vaziyatlar boshqarmasi nazorati ostida.

Yong‘in sabablari va aniq maydoni tekshiruv yakunida aniqlanadi.