Fermer yer maydonini deyarli ikki barobar oshirib sotmoqchi bo‘ldi

Farg‘ona viloyatida yer maydonini sezilarli darajada oshirib sotishga urinish oldi olindi.

Kushtapin tumanida fermer xo‘jaligi rahbari 3,7 gektar yer maydonini 7 gektar sifatida sotmoqchi bo‘lgan. Yerni xaridor nomiga rasmiylashtirish evaziga u 20 ming dollar va 100 mln so‘m talab qilgan.

Davlat xavfsizlik xizmati xodimlari va Iqtisodiy jinoyatlarga qarshi kurash departamenti tomonidan o‘tkazilgan tezkor tadbirda gumonlanuvchi vositachi orqali kelgan 15 ming dollarni olayotgan paytda qo‘lga olindi.

Mazkur holat bo‘yicha jinoyat ishi qo‘zg‘atildi, tergov harakatlari davom etmoqda.

Huquqni muhofaza qiluvchi organlar yer strategik resurs ekanini va noqonuniy operatsiyalar iqtisodiy hamda oziq-ovqat xavfsizligiga tahdid solishini ta’kidladi.

Fuqarolarga shunday qonunbuzarliklar haqida 1520 qisqa raqamiga xabar berish tavsiya qilinadi, maxfiylik kafolatlangan.