O‘zbekistonda yuqumsiz kasalliklarni erta bosqichda aniqlash tizimi takomillashadi.

O‘zbekistonda yuqumsiz kasalliklarni erta bosqichda aniqlash tizimi yaxshilanadi, deb xabar beradi Sog‘liqni saqlash vazirligi matbuot xizmati.

Aniqlash darajasini 55% ga oshirish rejalashtirilmoqda. Buning uchun quyidagilar amalga oshiriladi:

• Profilaktik ko‘riklar va skrining tekshiruvlari natijasida aniqlangan kasalliklar bo‘yicha sog‘lomlashtirish tadbirlari o‘tkazish;

• Aholi orasida eng ko‘p uchraydigan kasalliklar – yurak-qon tomir kasalliklari, qandli diabet, surunkali obstruktiv o‘pka kasalliklari – xavfini aniqlash uchun profilaktik ko‘riklar o‘tkazish (40 yosh va undan katta 6,7 mln kishini qamrab olish).

Aniqlangan kasalligi bo‘lgan fuqarolar shaxsiy reja asosida davolanishi ta’minlanadi.