22–26 sentyabrda O‘zbekistonda havo prognozi

22–26 sentyabr kunlari O‘zbekiston hududida asosan ochiq, o‘zgaruvchan bulutli va yog‘ingsiz ob-havo kutilmoqda.
Kechasi havo harorati +12…+17 daraja, kunduz kunlari esa +24…+29 daraja atrofida bo‘ladi.

Toshkent viloyatining tog‘ oldi va tog‘li hududlarida, shuningdek, Farg‘ona vodiysida 22–23 hamda 26 sentyabr kunlari qisqa muddatli yomg‘ir yog‘ishi mumkin.

24 va 26 sentyabr kunlari mamlakatning shimoliy va cho‘l hududlarida shamol tezligi 13–18 m/s gacha kuchayishi, ayrim joylarda chang-to‘zon kuzatilishi kutilmoqda.

Toshkentdagi ob-havo:
Poytaxtda o‘zgaruvchan bulutli, yog‘ingsiz ob-havo saqlanib qoladi. Shamol sharqdan, 3–8 m/s.
Havo harorati: kechasi +13…+16 daraja, 22–23 sentyabr kunlari kunduz kuni +24…+27 daraja, 24–26 sentyabr kunlari esa +27…+29 daraja bo‘ladi.