London shahrida «O‘zbekistonlik» filmining to‘rtinchi epizodi taqdim etildi.

18-oktabr kuni Londondagi 3-Xalqaro “O‘zbekistonlik” forumida chet elda muvaffaqiyat qozongan o‘zbekistonliklar haqidagi “O‘zbekistonlik” filmining to‘rtinchi seriyasi hamda yangi “O‘zbekiston klubi” jurnali taqdim etildi. Jurnalning taqdimoti o‘tkazildi.

Forumda dunyoning turli mamlakatlaridan 200 dan ortiq o‘zbekistonlik, britaniyalik tadbirkorlar, diplomatlar va jamoat arboblari ishtirok etdi. Ishtirokchilar qatorida Yevropa Tiklanish va Taraqqiyot Banki (EBRD) prezidenti Odil Reno-Basso ham bor edi.

“O‘zbekistonlik” forumining maqsadi – butun dunyo bo‘ylab vatandoshlar global tarmog‘ini yaratish va O‘zbekistonni aqlli, iste’dodli va mehnatkash insonlar mamlakati sifatida taqdim etishdir. Shu kabi forumlar avval Berlinda (Germaniya) va Parijda (Fransiya) o‘tkazilgan.

Jurnalning yangi sonining asosiy qahramonlari EBRD direktori Kamola Mahmudova va Kembrij universiteti biologiyasi bo‘yicha doktor Temur Yunusov bo‘ldi.

Jurnalning birinchi sonida tahririyat baholashiga ko‘ra “20 ta eng ilg‘or o‘zbekistonlik” taqdim etilgan. Jurnal muntazam nashr etilib, o‘zbekistonliklarning faoliyatiga jamoatchilik e’tiborini jalb qiladi.